ABIS makan siang, ke biasa, Nelson dudu ko pangku kaki di rebis ruma. Baitua mo barenti sadiki, kas lurus urat dong yang su cape karja। Kalo su bagitu, baitua biasa dudu minum es teh sambel baca koran। Parlente ma mati sa. "Lu baca apa sa ko sarius mamati. Dari tadi beta liat lu baca barita menarik ko apa. Sampe beta datang sa, lu son tau," Aleks yang panasaran deng Nelson mulai tanya.
Aleks sebenarnya mo pi pasar ko beli gula deng baras, ma bagitu lewat Nelson pung ruma, dia langsung singga. Itu su biasa. Dong kalo su bakatumu urusan nagara ko dinas ko apa parsetan, yang penting carita dolo baru buat dong pung kagiatan. Kalo su bagitu andia te aer karas dong son lama su mangalir maso dong pung karongkongan। Karja su lupa samua. "Lu baca ini dolo kawan. Kamarin hanya ada barita bilang ada orang kas masok gula sambunyi-sambunyi Ini hari lai ada barita bilang baras ada rusak lai. Baru lu mo tau, baras dong su puruk ulat pono, baru mo bagi kas rakyat dong. It su karmana tu," Nelson su kas jalas.
"Ko, mana beta lia," Aleks ju panasaran. Asik baca koran, son lama, Ferdy, Nelis deng Marten muncul. Dong tiga su tau, kalo su siang dudu bacarita di Nelson pung rumahKo ais dingin na. Pohon Mahoni deng Advokad pele matahari. "Berarti batul su. Tadi beta di atas oto dengar orang dong bacarita in barita। Ma dong bilang polisi su tahan samua it gula Batul ko sonde tu. Sakarang polisi yang ame ali it soal," Aleks kas komentar ma lia di Ferdy pung punggung ke ada kambung, dia langsung tanya. "Apa tu," Aleks raba लंग्सुंग
Sudah, aer keras langsung mangalir, ma carita tamba rame. Aleks lupa pi beli gula deng baras lae. Padahal maitua ada tunggu di ruma. Baras di ruma su tenga satu mok sa.
"Parsetan deng itu. Bosong mo pusing ju parcuma. Kalo su sampe polisi dong, beta yakin lama it masalah su ilang lae. Itu masala su bukan barang baru. Mala beta dengar bilang ada oknum polisi yang barmaen ju. Paya o, kalo su bagitu, sa pa o yang mo lawan. Lu baru strep mera dua mana mo pi pareksa yang su sanior, karmana," Nelis son mo tau. "O, katong urut-urut, kasus gula ju banyak. Dulu bet dangar ada tangkap gula ju ma tau it kasus bilang kas stop ko apa ko. Tajkuju su ilang. Tau lae yang ini nanti ilang lae ko bisa nae pangadilan. Lia sa bapa. In ada kasus baras lae," Aleks pasimis.
"Makanya sakarang kotong harus iko it kasus tarus. Lu bayangkan, sa, दोंग bilang it baras untuk raskin. Karmana ko barang su puruk baru kas masyarakat. Alasan macam-macam. Kana aer laut na, apa na. Pokonya, beta nanti bilang kapala desa dong supaya pareksa bae-bae dulu baras raskin yang mo bagi pi katong. Kalo beras su rusak na kas pulang sa," Nelson omong ke
tau-tau sa. "O, katong biar miskin bagini ju manusia. Jang kas sama katong ke binatang tarus kas katong baras rusak," Aleks ju sambong dia pung. (sipri seko)
Tidak ada komentar:
Posting Komentar