LAI barapa bulan sa su PON। Orang laen su latihan tiap hari, Nelson Sante sa. Tiap hari makan tidor, kalo sonde pi baganggu orang pung ana nona yang ada balopas di Jalan El Tari. Baptua dudu kukuru’u di pinggir jalan sambel maale jagong bakar dia pung adi parampuan pung.
Padahal, baitua ni orang harap ko bisa iko maen sampe di PON supaya bisa dapat madali. Ais, su barapa kali PON baitua bagitu-bagitu sa na. Nelson memang dari dulu su jadi petinju, ma dia pung latihan tu bagitu-bagitu सा. Padahal kalo mau bilang, atlet laen dong samua su latihan. Sonde taku ujan, angin ato panas pokoknya dong tetap latihan। "Orang tu bagitu Nelson. Jang
sama ke lu yang hanya tunggu PON. Nanti deka-deka baru lari sala-sala. Kalo model bagini, jangan ‘kan PON, iko pertandingan di lokal sa mangkali sonde juara. Ini batul kawan. Tapi kalo adi benar-benar mo jadi patinju, lu mus latihan su, supaya nae di ring jang kana papoko sampe mulu dong pica ancor," Nelis mulai kas nasehat sang Nelson.
Nelis simpai di kempo, jadi baitua tau betul. Nelis deng dia pung murid su latihan dari taon lalu. "Ko ais daerah laen ada latihan lu sonde, terakhir sampe sana dong makan lu manta-manta," Nelis baomong tarus.
"Bagini kawan dong. Beta sebenarnya mau pi latihan tarus. Ma ko ais kitong ontong di cape sa. Coba bosong bayangkan. Kitong latihan stenga mati ma aer bawa sandiri. Lebe bae barenti," Nelson mulai buka suara.
"O berarti lu muka doi. Lu kalo mau harap doi sa lebe bae barenti jadi atlet. Lu pinda di profesional sa. Beking malu-malu sa. Karja hanya mo harap doi. Lu kira ini paroyek ko," Aleks yang iko lari mulai tamba dia pung.
Kana serang dari dia pung kawan dong Nelson langsung diam. Dia pung kawan dong sonde mau ungkit-ungkit lai.Sonde sampe satu minggu, Nelis pi cari Nelson lai, ma baitua sonde ada di rumah.
"Nelson sakarang sonde kanal barenti. Malam sa baru tidor. Dari pagi buta sampe sore dia latihan tarus. Mau ada palatih ko sonde baitua sonde mau tau," Nelson pung Mama Ina Nelis.
Batul ju. Sonde lama Nelson, Aleks, Petu deng Polce datang. Dong samua baru pulang latihan. "Sakarang bagini. Kitong samua, mau palatih ko atlet ko, latihan bae-bae. Biar orang dong tau bilang kitong ini ju bisa menang. Jang tiap kali pi kas kaluar doi banya ma pulang pikol muka babangka. Ini su sonde batul," Nelis yang paling tua kas nasehat। "Batul ju e. Kalo mau
latihan harap doi, sonde akan dapa apa-apa. Lia sa ke dolo. Orang latihan tinju hanya pake batang pisang ma bisa dapat juara," Polce tamba deng dia pung mengong। (sipri seko)
Tidak ada komentar:
Posting Komentar